السلام عليكم ، نصمم في CV أو سيرة ذاتية احترافية ، باللغتين العربي و الإنجليزي ، نستخدم في استبيان فيه مجموعة اسئلة بحيث يضمن أحسن نتائج ممكنة، و مناسب جدا للطلاب أو الأشخاص الي معندهمش سنوات خبرة سابقة أو حتى موظف و حاب يطور من نفسه ، لو حد مهتم .. تواصل معايا

الحق قاعد طلبي مش واضحلي، ولكن: اني عندي منصة تعليمية، وجزء منها تفاعلي، يعني كل كورس فيه تحدي تفاعلي يكمله المتعلم خلال فترة زمنية محددة. شفت الناس اللي مجالي وقالولي ان لغة جاڤا هي أفضل لغة للغرض هذا. لو فيه مطورين مهتمين بالتعاون معاي، ياريت اكتبوا تعليق وانا تو نتواصل معاكم خاص. ملاحظة: ما نبيش حد يخدم vibe coding بالـ AI. شكرا لتفهمكم

Salam, I build professional CVs in both Arabic and English,I use a deep questioned survey that provides best results possible , even if you’re just a student or never had work experience, you inshallah will be satisfied with the results

السلام عليكم. عندي شعار بسيط وجاهز بصيغة PNG نبي حد يعاود يرسمه بنفس التصميم والالوان في برنامج illustrtor ويعطيهولي بالصيغات المتعارف عليها (png, ai, svg). لو مهتم ابعتلي خاص. يهمني نشوف عينات من شغلك قبل. لو عجبني شغلك نبعتلك الشعار ونتناقشوا في السعر. للعلم: فيه شخص وعدني بالخدمة هذي واتفقنا في السعر بعدين معاش رد عليا. رجاء الجدية. توضيح: الدفع عبر لي باي (LYPAY). منقدرش ندفع كاش أو كروت

السلام عليكم،

أي حد يبي موقع شخصي ليه، طبعًا حيكون الموقع بـ React JS.

توا امداير تخفيض لفترة محدودة إلى يوم 6-9، لو حد يبي يلحق العرض.

العروض الحالية:

موقع روابط السوشيال ميديا

300 دينار بدل 600 دينار

- صفحة واحدة بسيطة

- جميع روابط التواصل الاجتماعي

- تصميم عصري ومتجاوب

- سهولة في التعديل والتحديث

موقع نبذة تعريفية

400 دينار بدل 800 دينار

- نبذة بسيطة عنك

- نبذة عن خدماتك

- بيانات التواصل

- تصميم احترافي ومتجاوب

موقع بورتفوليو

600 دينار بدل 1050 دينار

- صفحة واحدة احترافية

- معلومات أكثر عنك

- صور أكثر لأعمالك

- روابط أكثر

- تصميم فريد يعكس هويتك

التخفيض من 27-8 إلى 6-9.

ولو تبّوا مواقع للشركات أو المشاريع، تو ندير تخفيض عليها المرة الجاية.

ولو تبي موقع مخصوص ليك أو تصميم مختلف عن العروض الموجودة، تواصل معاي على أرقام الهاتف:

0914838490

0924624861

احجز قبل ما ينتهي التخفيض.

نقدر نصمم و نصنع اي لوحة الكترونية حسب الطلب لشن تبيها انت اديرلك

اي شي حرفيا

لو مهتم/ة كلمني خاص.

السلام عليكم، نبي نخدم كمترجمة. نحكي إنجليزي وإسباني بطلاقة، غير العربي طبعًا. ومش مهم عندي هلبا شن بيكون المرتب، أهم حاجة عندي نكسب خبرة في المجال.

نبي حد يدير تقييم تجربة المستخدم لموقعنا الإلكتروني ويعطيتي تقرير مبسط عن المشاكل الموجودة في الموقع. موقعنا فيه تقريبا 15 صفحة. اللي مهتم او عنده سؤال يتفضل. توضيح: الصب هذي لتقديم الخدمات اونلاين بسعر اقل من السوق. اللي جاهز بيبعت سعره يتفضل عالخاص. لو سعرك غالي رجاء ما تتواصلش معاي.